SHORT NEWS KANNUR

  200 മില്യൻ ഡോളർ; റെക്കോർഡ് തുകക്ക് ക്രിസ്റ്റ്യാനോ സൗദി ക്ലബ്ബുമായി കരാർ ഒപ്പുവെച്ചു റിയാദ്: ചരിത്രത്തിലെ ഏറ്റവും വലിയ തുകക്ക് സൂപ്പർ താരം ക്രിസ്റ്റ്യാനോ റൊണാൾഡോ സൗദിയിലെ അൽ-നസർ ക്ലബ്ബുമായി കരാർ ഒപ്പുവെച്ചു. പരസ്യവരുമാനമടക്കം 200 മില്യൺ ഡോളർ (ഏകദേശം 1950 കോടി രൂപ) വാർഷിക വരുമാനത്തോടെ രണ്ടര വർഷത്തേക്കാണ് കരാർ. പുതുവർഷ ദിനമായ നാളെ മുതൽ കരാർ പ്രാബല്യത്തിൽ വരുമെന്ന് അൽ നസർ ക്ലബ് അറിയിച്ചു. മാസങ്ങൾ നീണ്ട അഭ്യൂഹങ്ങൾക്ക് വിരാമമിട്ടാണ് സൂപ്പർ താരത്തിന്റെ സൗദി പ്രവേശനം. സൗദി ലീഗിലെ മികച്ച ക്ലബ്ബുകളിലൊന്നായ അൽ നസ്‌റിന്റെ ഏഴാം നമ്പർ ജഴ്‌സിയിൽ ഇനി ക്രിസ്റ്റ്യാനോ ഉണ്ടാകും. കരാർ ഒപ്പിട്ടതായി ഔദ്യോഗികമായി അൽ നസർ ക്ലബ് അറിയിച്ചു. സൗദി കായിക മന്ത്രിയും ക്രിസ്റ്റ്യാനോയെ സ്വാഗതം ചെയ്തു. ചരിത്രത്തിലെ റെക്കോർഡ് പ്രതിഫലമാണ് ക്രിസ്റ്റ്യാനോക്ക് ലഭിക്കുക. പരസ്യ വരുമാനമടക്കം 200 മില്യൺ ഡോളർ അദ്ദേഹത്തിന് ലഭിക്കും. നിലവിൽ ഏറ്റവും കൂടുതൽ പ്രതിഫലം വാങ്ങുന്നത് ഫ്രഞ്ച് താരം എംബാപ്പെയാണ്. 128 മില്യൺ ഡോളറാണ് എംബാപെയുടെ പ്രതിഫലം. മെസ്സിയുടേതാകട്ടെ 120 മില്യൺ ഡോളറും. അവസാന ക്ലബായ മാഞ്ചസ്റ്ററിൽ ക്രിസ്റ്റ്യാനോ വാങ്ങി...

  കെ.കെ.അബ്ദുറഹിമാൻ മാസ്റ്റർ നിര്യാതനായി 31.12.2022 കണ്ണൂർ ജില്ലാ മുസ്ലിം ലീഗ് പ്രവർത്തക സമിതി അംഗവും, തളിപ്പറമ്പ് മണ്ഡലം മുസ്ലിം ലീഗ് മുൻ പ്രസിഡണ്ടും, തളിപ്പറമ്പ് നിയോജക മണ്ഡലം യു.ഡി.എഫ് ചെയർമാനും, കെ.എസ്.ടി.യു മുൻ ജില്ലാ പ്രസിഡണ്ടും, കുറ്റ്യാട്ടൂർ ഗ്രാമ പഞ്ചായത്ത് മുൻ മെമ്പറും, കണ്ണൂർ ജില്ലയിലെ മുസ്ലിം ലീഗ് സംഘടനാ രംഗത്തെ പ്രമുഖ നേതാവും ആയിരുന്ന മാണിയൂരിലെ കെ.കെ അബ്ദുറഹ്മാൻ മാസ്റ്റർ നിര്യാതനായി. മൃതദേഹം ഇപ്പോൾ തണ്ടപ്പുറത്തുള്ള വീട്ടിലാണ് ഉള്ളത്. ഖബറടക്കം ഇന്ന് പന്ത്രണ്ട് മണിക്ക് പാറാൽ ജുമാഅത്ത് പള്ളിയിൽ നടക്കും.

 ‘ ഇത് ഞങ്ങളുടെ കൂട്ടൂസനല്ലേ’; വീണ്ടും ചിരി പടർത്തി പാപ്പാഞ്ഞി‘മുഖം’; ‘ഛായ’പ്രശ്നം കൊച്ചിൻ കാർണിവലിനോട് അനുബന്ധിച്ച് ഫോർട്ട് കൊച്ചിയിലെ പരേഡ് ഗ്രൗണ്ടിൽ പുതുവർഷത്തലേന്നു കത്തിക്കാനൊരുക്കുന്ന പാപ്പാഞ്ഞിക്ക് പുതിയ മുഖമൊരുക്കുമെന്ന് ഉറപ്പായിട്ടുണ്ട്. ഇതോടെ പുതിയ മുഖങ്ങളും ട്രോളുകളിൽ ചർച്ചയാണ്. പുതിയ മുഖത്തിന് ബാലരമയിലെ കൂട്ടൂസന്റെ മുഖഛായ ഉണ്ടെന്നാണ് ബാലരമ ആരാധകരുടെ ചിരി കമന്റ്. ഇതോടെ കുട്ടൂസനെ അപമാനിക്കാനുള്ള നീക്കത്തിൽ നിന്നും പിൻമാറണമെന്ന് ചിരിയിൽ െപാതിഞ്ഞ ട്രോളുകളും സജീവമാണ്. ആദ്യമൊരുക്കിയ പാപ്പാഞ്ഞിക്ക് പ്രധാനമന്ത്രി നരേന്ദ്ര മോദിയുടെ മുഖഛായയെന്ന ആക്ഷേപവുമായി ബിജെപി പ്രവർത്തകർ പ്രതിഷേധിച്ചതിനെ തുടർന്ന്, പാപ്പാഞ്ഞിയുടെ മുഖം മാറ്റല്‍ നടപടികൾ തുടങ്ങിയത്. നിലവിലുണ്ടായിരുന്ന മുഖം കീറിക്കളഞ്ഞു. പുതിയ മുഖം ഇന്ന് തന്നെ സ്ഥാപിക്കും. നിർമാണം നിർത്തിവച്ച് കാർണിവൽ കമ്മിറ്റി മാപ്പു പറയണമെന്നായിരുന്നു ബിജെപി പ്രവർത്തകരുടെ ആവശ്യം. നിര്‍മാണം നിർത്തിയെങ്കിലും മാപ്പു പറയാൻ ഭാരവാഹികൾ ആദ്യം തയാറായില്ല. മുഖം മാറ്റാമെന്ന ഉറപ്പു നൽകുകയും നിലവിൽ സ്ഥാപിച്ച മുഖം അഴിച്ച് താഴെ ഇറക്കുകയും ചെയ്തു. എന്നാൽ, ...

  റിഷഭ് പന്തിന്റെ കാർ ഡിവൈഡറിൽ ഇടിച്ച് തീപിടിച്ചു; താരത്തിന് ഗുരുതര പരിക്ക് ഡെറൂഡൂൺ: ഇന്ത്യൻ ക്രിക്കറ്റ് താരം റിഷഭ് പന്തിന് കാർ അപകടത്തിൽ പരിക്ക്. ഉത്തരാഖണ്ഡിൽ വെച്ചാണ് താരത്തിന്റെ വാഹനം അപകടത്തിൽ പെട്ടത്. ഡിവൈഡറിൽ ഇടിച്ച കാറിന് തീപിടിക്കുകയായിരുന്നു. ഇന്ന് പുലര്‍ച്ചെയാണ് അപകടം നടന്നത്. അപകടത്തിൽ റിഷഭ് പന്തിനു പൊള്ളലേറ്റിട്ടുണ്ട്. തലക്ക് മുറിവേറ്റിട്ടുണ്ട്. ആരോഗ്യനിലയെ കുറിച്ച് കൂടുതല്‍ വിവരങ്ങള്‍ പുറത്ത് വിട്ടിട്ടില്ല. ഡൽഹിയിൽ നിന്ന് മടങ്ങുന്നതിനിടെയാണ് അപകടം നടന്നത്. കാര്‍ പൂര്‍ണമായും കത്തിനശിക്കുകയും ചെയ്തിട്ടുണ്ട്.

  പ്രധാനമന്ത്രി നരേന്ദ്രമോദിയുടെ അമ്മ ഹീരാ ബെൻ അന്തരിച്ചു ദില്ലി: പ്രധാനമന്ത്രി നരേന്ദ്രമോദിയുടെ അമ്മ ഹീരാ ബെൻ (100) അന്തരിച്ചു. വാർധക്യസഹജമായ അസുഖങ്ങളെ തുടർന്ന് അഹമ്മദാബാദിലെ സ്വകാര്യ ആശുപത്രിയിൽ ചികിത്സയിലിരിക്കെയാണ് അന്ത്യം. കഴിഞ്ഞ ദിവസമാണ് ആരോഗ്യപ്രശ്നങ്ങളെ തുടർന്ന് ഹീരാ ബെന്നിനെ ആശുപത്രിയിൽ പ്രവേശിപ്പിച്ചത്. വിയോഗ വിവരമറിഞ്ഞ് പ്രധാനമന്ത്രി അഹമ്മദാബാദിലേക്ക് തിരിച്ചു. നൂറ്റാണ്ട് കാലം നീണ്ടുനിന്ന ത്യാഗഭരിതമായ ജീവിതമായിരുന്നു അമ്മയുടേതെന്ന് മോദി അനുസ്മരിച്ചു. കഴിഞ്ഞ ജൂണിൽ അമ്മ 100–ാം വയസ്സിലേക്കു പ്രവേശിച്ചപ്പോൾ ഗാന്ധിനഗറിലെ വീട്ടിലെത്തി നരേന്ദ്ര മോദി പാദപൂജ നടത്തിയിരുന്നു.  പ്രധാനമന്ത്രി പദം വരെയെത്തിയ നരേന്ദ്രമോദിയുടെ വളര്‍ച്ചക്ക് എന്നും ഊര്‍ജ്ജമായിരുന്നു അമ്മ ഹീരാബെന്‍. വട് നഗറിലെ ചെറിയ വീട്ടില്‍ നിന്ന് ലോക് കല്യാണ്‍ മാര്‍ഗിലെ പ്രധാനമന്ത്രിയുടെ വസതി വരെയെത്തിയ യാത്രയില്‍ അമ്മയേയും മോദി ചേര്‍ത്ത് പിടിച്ചിരുന്നു. അമ്മയുമായുള്ള തൻറെ ആത്മബന്ധത്തെ കുറിച്ച് പ്രധാനമന്ത്രി പലതവണ വാചാലനായി. അമ്മയുടെ നൂറാം പിറന്നാൾ ദിവസം അവർ അതിജീവിച്ച പ്രയാസങ്ങളെകുറിച്ച് പ്രധാനമന്ത്രി തൻറെ ബ്ലോഗിൽ...

  കർണാടകയിൽ ബസും കാറും കൂട്ടിയിടിച്ച് മൂന്ന് മലയാളികൾ മരിച്ചു കാസർകോട്: കർണാടകയിൽ സ്വകാര്യ ബസും കാറും കൂട്ടിയിടിച്ച് മൂന്ന് മലയാളികൾ മരിച്ചു. കാസർകോട് തളങ്കര നുസ്രത്ത് നഗറിലെ കെ.എ മുഹമ്മദ് കുഞ്ഞി, ഭാര്യ ആയിഷ, പേരക്കുട്ടി എന്നിവരാണ് മരിച്ചത്. കർണാടകയിൽനിന്ന് നാട്ടിലേക്ക് മടങ്ങുമ്പോഴായിരുന്നു അപകടം. 2014ല്‍ എംജി റോഡിലെ ഫര്‍ണീച്ചര്‍ കടയില്‍ കുത്തേറ്റ് കൊല്ലപ്പെട്ട സൈനുല്‍ ആബിദിന്റെ മാതാപിതാക്കളാണ് അപകടത്തില്‍ മരിച്ചത്. അപകടത്തെ കുറിച്ച് കൂടുതല്‍ അന്വേഷണം നടത്തി വരികയാണെന്ന് ഹനഗല്‍ പൊലീസ് പറഞ്ഞു. മുഹമ്മദ് കുഞ്ഞിയുടെ ഉടമസ്ഥതയിലുള്ള കടയിൽവെച്ചായിരുന്നു സെനുൽ ആബിദിനെ കൊലപ്പെടുത്തിയത്. കട അടക്കാനായി സാധനങ്ങൾ അടുക്കിവെക്കുന്നതിനിടെ രാത്രി 10 മണിയോടെ കടയിലെത്തിയ അക്രമികൾ മുഹമ്മദ് കുഞ്ഞിയുടെ മുന്നിലിട്ടാണ് സൈനുൽ ആബിദിനെ വെട്ടിക്കൊലപ്പെടുത്തിയത്.

  കരിപ്പൂരിൽ വീണ്ടും പോലീസ് നീക്കം; സ്വർണം കടത്തിയ യുവതിയും തട്ടിയെടുക്കാനെത്തിയ സംഘവും പിടിയിൽ മലപ്പുറം: കരിപ്പൂർ വിമാനത്താവളം വഴി എട്ടുലക്ഷം രൂപയുടെ സ്വർണം കടത്തിയ യുവതിയെയും ഇവരുടെ ഒത്താശയോടെ സ്വർണം തട്ടിയെടുക്കാനെത്തിയ സംഘത്തെയും പോലീസ് അറസ്റ്റ് ചെയ്തു. സ്വർണം കടത്തിയ വയനാട് സുൽത്താൻ ബത്തേരി സ്വദേശി ഡീന(30) സ്വർണം തട്ടിയെടുക്കാനെത്തിയ കോഴിക്കോട് നല്ലളം സ്വദേശി മുഹമ്മദ് സഹദ്(24) കോഴിക്കോട് വാണിയംകര സ്വദേശി മുഹമ്മദ് ജംനാസ്(36) എന്നിവരാണ് അറസ്റ്റിലായത്. മലപ്പുറം ജില്ലാ പോലീസ് മേധാവി എസ്. സുജിത് ദാസിന് ലഭിച്ച രഹസ്യവിവരത്തെ തുടർന്ന് കരിപ്പൂർ പോലീസാണ് മൂന്ന് പ്രതികളെയും വിമാനത്താവളത്തിന്റെ കവാടത്തിന് സമീപംവെച്ച് പിടികൂടിയത്. ഇവരുടെ വാഹനവും കസ്റ്റഡിയിലെടുത്തു. ദുബായിൽനിന്ന് 146 ഗ്രാം സ്വർണമാണ് കരിപ്പൂർ വിമാനത്താവളം വഴി കസ്റ്റംസിനെ വെട്ടിച്ച് ഡീന കടത്തിയത്. വയനാട് സ്വദേശി സുബൈർ എന്നയാൾക്ക് വേണ്ടി നിയമവിരുദ്ധമായി കൊണ്ടുവന്ന സ്വർണം തട്ടിയെടുക്കാനാണ് നാലംഗസംഘം ഡീനയുടെ അറിവോടെ വിമാനത്താവളത്തിലെത്തിയത്. കൊടുത്തവിട്ടവർ നിർദേശിച്ച ആളുകൾക്ക് സ്വർണം കൈമാറുന്നതിന് മുൻപേ, സ്വർണം തട്ടിയെടുക്കാനായി...

മുണ്ടേരിയിൽ വോളിബോൾ ഉത്സവ രാവുകൾ; ചാംസ് കച്ചേരിപറമ്പ് വോളിബോൾ ടൂർണ്ണമെൻറ് ഇന്ന് മുതൽ മുണ്ടേരി: കാല്പന്തു കളിയുടെ വിശ്വ മാമങ്കത്തിനു ഖത്തറിൽ തിരശീല വീണുകഴിയുമ്പോൾ, ഇങ്ങ് ഗ്രാമത്തിന്റെ നിഷ്കളങ്കതയും, നയ്ർമല്യവുമുള്ള കച്ചേരിപ്പറമ്പെന്ന കൊച്ചു ഗ്രാമത്തിൽ  ഇനി കൈപ്പന്തു കളിയുടെ മാമാങ്കം. ചാംസ് കച്ചേരി പറമ്പിന്റെ ആഭിമുഖ്യത്തിൽ നടത്തപ്പെടുന്ന ചാംസ് വോളിബോൾ ടൂർണ്ണമെൻറ് ഇന്ന് മുതൽ ഈ മാസം 30 വരെ കച്ചേരിപറമ്പ് ചാം സ് ഫ്ളഡ് ലൈറ്റ് ഗ്രൗണ്ടിൽ നടക്കും. ദേശിയ അന്തർദേശീയ താരങ്ങൾ അടങ്ങിയ ടീമുകൾ അണിനിരക്കുന്ന ടൂർണ്ണമെന്റിന്റെ ഉദ്ഘാടനം ഇന്ത്യൻ ഇൻറർനാഷണൽ വോളിബോൾ താരം സുനിൽകുമാർ ഉദ്ഘാടനം ചെയ്യും.  ആദ്യ  മത്സരത്തിൽ യുവധാര പട്ടാനൂർ ന്യൂ പ്രസാദ് വെള്ളച്ചാലിനെ നേരിടും. വോളിബോൾ ഹൃദയത്തിലേറ്റുകയും അത് നാട്ടുകാരുട കൂട്ടായ്മയിലൂടെ ദേശീയ അന്തർ ദേശീയ താരങ്ങളെ അണിനിരത്തി കൊണ്ട് മത്സരങ്ങൾ സംഘടിപ്പിച്ച് ചാംസ് വോളിബോൾ ടൂർണ്ണമെന്റ് നാടിന്റെ തന്നെ ഉത്സവമാക്കാൻ ഒരുങ്ങുകയാണ് നാട്ടുകാരും കമ്മിറ്റിക്കാരും. _പ്രധാനപ്പെട്ട വാർത്തകൾ, അറിയിപ്പുകൾ ഉടൻ ഷോർട്ട് ന്യൂസ് കണ്ണൂർ  ഗ്രൂപ്പിലൂടെ  നിങ്ങളുടെ മൊബൈലിൽ ലഭ...

  മുണ്ടേരിയിൽ വോളിബോൾ ഉത്സവ രാവുകൾ;ചാംസ് വോളിബോൾ ടൂർണ്ണമെൻറ് ഇന്ന് മുതൽ മുണ്ടേരി: കാല്പന്തു കളിയുടെ വിശ്വ മാമങ്കത്തിനു ഖത്തറിൽ തിരശീല വീണുകഴിയുമ്പോൾ, ഇങ്ങ് ഗ്രാമത്തിന്റെ നിഷ്കളങ്കതയും, നയ്ർമല്യവുമുള്ള കച്ചേരിപ്പറമ്പെന്ന കൊച്ചു ഗ്രാമത്തിൽ  ഇനി കൈപ്പന്തു കളിയുടെ മാമാങ്കം. ചാംസ് കച്ചേരി പറമ്പിന്റെ ആഭിമുഖ്യത്തിൽ നടത്തപ്പെടുന്ന ചാംസ് വോളിബോൾ ടൂർണ്ണമെൻറ് ഇന്ന് മുതൽ ഈ മാസം 30 വരെ കച്ചേരിപറമ്പ് ചാം സ് ഫ്ളഡ് ലൈറ്റ് ഗ്രൗണ്ടിൽ നടക്കും. ദേശിയ അന്തർദേശീയ താരങ്ങൾ അടങ്ങിയ ടീമുകൾ അണിനിരക്കുന്ന ടൂർണ്ണമെന്റിന്റെ ഉദ്ഘാടനം ഇന്ത്യൻ ഇൻറർനാഷണൽ വോളിബോൾ താരം സുനിൽകുമാർ ഉദ്ഘാടനം ചെയ്യും.  ആദ്യ  മത്സരത്തിൽ യുവധാര പട്ടാനൂർ ന്യൂ പ്രസാദ് വെള്ളച്ചാലിനെ നേരിടും. വോളിബോൾ ഹൃദയത്തിലേറ്റുകയും അത് നാട്ടുകാരുട കൂട്ടായ്മയിലൂടെ ദേശീയ അന്തർ ദേശീയ താരങ്ങളെ അണിനിരത്തി കൊണ്ട് മത്സരങ്ങൾ സംഘടിപ്പിച്ച് ചാംസ് വോളിബോൾ ടൂർണ്ണമെന്റ് നാടിന്റെ തന്നെ ഉത്സവമാക്കാൻ ഒരുങ്ങുകയാണ് നാട്ടുകാരും കമ്മിറ്റിക്കാരും.

  അടിവസ്ത്രത്തിനുള്ളിൽ ഒളിപ്പിച്ച് കടത്തിയ ഒരു കോടിയുടെ സ്വർണ്ണവുമായി 19 കാരി പിടിയിൽ ദുബായിൽ നിന്നും കരിപ്പൂർ വിമാനത്താവളം വഴി കടത്താൻ ശ്രമിച്ച ഒരു കോടി രൂപയുടെ സ്വർണം പോലീസ് പിടികൂടി. 1.884 കിലോ സ്വർണം മിശ്രിത രൂപത്തിലാക്കി കടത്താൻ ശ്രമിച്ച കാസർകോട് സ്വദേശി ഷഹലയെ (19) വിമാനത്താവളത്തിന് പുറത്ത് വെച്ച് പോലീസ് അറസ്റ്റ് ചെയ്യുകയായിരുന്നു. മൂന്ന് പാക്കറ്റുകളാക്കി സ്വർണം വസ്ത്രത്തിനുള്ളിൽ ഒളിപ്പിച്ച് കടത്താനാണ് യുവതി ശ്രമിച്ചത്. അഭ്യന്തര വിപണിയിൽ ഒരു കോടി രൂപ വിലവരും പിടിച്ചെടുത്ത സ്വർണത്തിന്. ഞായറാഴ്ച രാത്രി പത്തരക്ക് ദുബായിൽ നിന്നെത്തിയ എയർ ഇന്ത്യ എക്സപ്രസിലാണ് യുവതി എത്തിയത്.  കസ്റ്റംസ് പരിശോധനയ്ക്ക് ശേഷം 11 മണിയോടെ വിമാനത്താവളത്തിന് പുറത്തെത്തിയ യുവതിയെ, രഹസ്യ വിവരത്തിന്റെ അടിസ്ഥാനത്തിൽ പോലീസ് കസ്റ്റഡിയിൽ എടുക്കുകയായിരുന്നു.മണിക്കൂറുകളോളം ചോദ്യം ചെയ്തുവെങ്കിലും അതിനെയെല്ലാം പ്രതിരോധിക്കുന്ന മറുപടികളായിരുന്നു യുവതിയുടെ പക്കൽ നിന്ന് ലഭിച്ചത്.  തുടർന്ന് ലഗേജ് വിശദമായ പരിശോധനയ്ക്ക് വിധേയമാക്കുകയായിരുന്നു. ഇതിലും പോലീസിന് ഒന്നും കണ്ടെത്താൻ സാധിച്ചില്ല. ശേഷം യുവതിയുടെ ദേഹപരിശോധ...

  സംവിധായകൻ കെ.പി. ശശി അന്തരിച്ചു സിനിമ, ഡോക്യുമെന്ററി സംവിധായകൻ കെ.പി ശശി (64)അന്തരിച്ചു. തൃശൂരിലെ ആശുപത്രിയിൽ ചികിത്സയിലിരിക്കെയാണ് അന്ത്യം. സംസ്കാരം നാളെ നടക്കും. കേരളത്തിലെ കമ്യൂണിസ്റ്റ് പ്രസ്ഥാനത്തിന്റെ സ്ഥാപകരിലൊരാളും മാർക്സിസ്റ്റ് സൈദ്ധാന്തികനുമായ കെ. ദാമോദരൻ്റെ മകനാണ് കെ.പി ശശി. വിബ്ജ്യോർ (VIBGYOR) ഫിലിം ഫെസ്റ്റിവലിന്റെ സ്ഥാപകരിൽ ഒരാളായിരുന്നു കെ.പി ശശി. സാമൂഹികവും മാനസികവുമായ അതിക്രമങ്ങൾക്ക് ഇരയാവുന്ന മലയാളിസ്ത്രീജീവിതം വിഷയമാക്കിയ ‘ഇലയും മുള്ളും’ എന്ന അദ്ദേഹത്തിന്റെ ചിത്രം ദേശീയപുരസ്കാരത്തിന് അർഹമായിട്ടുണ്ട്. ജെ.എൻ.യു. സർവ്വകലാശാലയിൽ വിദ്യാർത്ഥിയായിരിക്കെ കാർട്ടൂണിസ്റ്റായി പ്രവർത്തിച്ചുതുടങ്ങി. റെസിസ്റ്റിംഗ് കോസ്റ്റൽ ഇൻവേഷൻ, അമേരിക്ക അമേരിക്ക, ലിവിങ് ഇൻ ഫിയർ, ഡവലപ്മെന്റ് അറ്റ് ഗൺപോയന്റ് തുടങ്ങിയവ അദ്ദേഹത്തിന്റെ ശ്രദ്ധേയ ചിത്രങ്ങളാണ്.

  മുണ്ടേരി സെൻട്രൽ യുപി സ്കൂൾ അദ്ധ്യാപിക ഒ ലിജിഷ നിര്യാതയായി വടുവൻകുളം:കെ പി ഹൌസിൽ  പങ്കജാക്ഷന്റെയും(Rtd. K. S.E. B ഓവർസിയർ )ഒ മാലതി യുടെയും മകൾ ഒ ലിജിഷ (32) (ടീച്ചർ, മുണ്ടേരി സെൻട്രൽ യു പി സ്കൂൾ )നിര്യാതയായി. ഭർത്താവ് ഹരീഷ്. മക്കൾ ആരവ്, ആലിയ, സഹോദരങ്ങൾ ഒ പമിഷ, ഒ പ്രമീഷ്. സംസ്കാരം 24/12/2022 ശനിയാഴ്ച  ഉച്ചയ്ക്ക് ശേഷം  മൂന്ന് മണിക്ക് കുറ്റ്യാട്ടൂർ പഞ്ചായത്ത്  പൊതു  ശ്മാശാനത്തിൽ.

  കഴുത്തിൽ  തോർത്ത് കുടുങ്ങി വിദ്യാർത്ഥിക്ക് ദാരുണാന്ത്യം     കഴുത്തിൽ  തോർത്ത് കുടുങ്ങി വിദ്യാർത്ഥിക്ക് ദാരുണാന്ത്യം. ചെക്കിക്കുളം രാധാകൃഷ്ണ എ.യു.പി സ്കൂളിലെ ആറാം ക്ലാസ് വിദ്യാർത്ഥി കെ ഭഗത് ദേവ് (11) ആണ് മരണപ്പെട്ടത്. പെരുമാച്ചേരിയിലെ സുരേശൻ-ഷീബ ദമ്പതികളുടെ മകനാണ്. ഗോകുൽ സഹോദരനാണ്. ഇന്നലെ വൈകുന്നേരം വീട്ടിൽ വച്ചാണ് അപകടം സംഭവിച്ചത്. ഉടനെ ആശുപത്രിയിൽ എത്തിച്ചെങ്കിലുംജീവൻ രക്ഷിക്കാനായില്ല . മൃതദേഹം പോസ്റ്റ്മോർട്ടം നടപടികൾക്ക് ശേഷം സംസ്കരിക്കും.

  നടൻ ഉല്ലാസ് പന്തളത്തിന്‍റെ ഭാര്യ വീട്ടിൽ തൂങ്ങിമരിച്ച നിലയിൽ പന്തളം: സിനിമ-സീരിയൽ നടൻ ഉല്ലാസ് പന്തളത്തിന്‍റെ ഭാര്യ ആശയെ (38) വീട്ടിനുള്ളിൽ തൂങ്ങിമരിച്ച നിലയിൽ കണ്ടെത്തി. പന്തളം പൂഴിക്കാട്ടെ വീടിന്‍റെ മുകൾനിലയിലാണ് മരിച്ച നിലയിൽ കാണപ്പെട്ടത്. ആത്മഹത്യയാണെന്നാണ് പ്രാഥമിക നിഗമനം. കുട്ടികളുടെ നിലവിളി കേട്ട് ഓടിയെത്തിയവരാണ് തൂങ്ങിയ നിലയിൽ ആശയെ കണ്ടത്. സംഭവസമയത്ത് ഉല്ലാസ് പന്തളം വീട്ടിലുണ്ടായിരുന്നു. മൃതദേഹം അടൂർ ഗവ. ആശുപത്രിയിലേക്ക് മാറ്റി. മക്കൾ: ഇന്ദുജിത്, സൂര്യജിത്. 

  സെയില്‍സ്‍മാനായി ജോലി ചെയ്‍തിരുന്ന പ്രവാസി യുവാവ് മരിച്ചു മസ്‍കത്ത്: പ്രവാസി മലയാളി യുവാവ് ഒമാനില്‍ മരിച്ചു. കണ്ണൂര്‍ കൊട്ടില ഓണപ്പറമ്പ് ഹാജി റോഡില്‍ താമസിക്കുന്ന മുഹമ്മദ് കുഞ്ഞിയുടെ മരന്‍ എം. അബ്‍ദുല്‍ ജലീല്‍ (30) ആണ് സുഹാറിനടുത്ത് ലിവയില്‍ മരിച്ചത്. ലിവയിലെ ഒരു സ്വകാര്യ സ്ഥാപനത്തില്‍ സെയില്‍സ്‍മാനായി ജോലി ചെയ്‍തുവരികയായിരുന്നു അബ്‍ദുല്‍ ജലീല്‍. മാതാവ് - നഫീസ. ഭാര്യ - ഹിസാന. നിയമ നടപടികള്‍ക്ക് ശേഷം മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവര്‍ അറിയിച്ചു. 

  വളപട്ടണം ഗ്രാമപഞ്ചായത്ത് മുൻ പ്രസിഡന്റ് ഇ.സറീന അന്തരിച്ചു         വളപട്ടണം ഗ്രാമപഞ്ചായത്ത് മുൻ പ്രസിഡന്റ് ഇ.സറീന അന്തരിച്ചു .മുൻ കേന്ദ്രമന്ത്രി ഇ അഹമ്മദിന്റെ സഹോദരിയുടെ മകളും വളപട്ടണത്തെ മുഹമ്മദലിയുടെ ഭാര്യയുമാണ്.എറണാകുളത്തെ സ്വകാര്യ ആശുപത്രിയിൽ ചികിത്സയിലായിരുന്നു .കബറടക്കം നാളെ രാവിലെ സിറ്റി ജുമാ മസ്ജിദ് അങ്കണത്തിൽ.

മടിക്കേരിയിൽ പുറവൂർ സ്വദേശി നിര്യാതനായി കാഞ്ഞിേരോട് : മുസ്ലീം ലീഗ്  നേതാവ് സി.പി. ഷക്കീറിൻ്റെ സഹോദരൻ സി.പി ഷാനവാസ് ഹൃദയാഘാതത്താൽ മടിക്കേരിയിൽ വെച്ച് മരണപ്പെട്ടു   മൃതേദേഹം 4 മണിക്ക് ശേഷം പുറവൂർ LP സ്കൂളിന് സമീപം സക്കീറിൻ്റെ വീട്ടിൽ എത്തുന്നതാണ്.തുടർന്ന് പുതിയ പള്ളി കബർസ്ഥാനിൽ കബറടക്കം നടക്കും.

  ചാലോട് സ്വദേശി റിയാദിൽ നിര്യാതനായി ചാലോട് സ്വദേശി കെ.കെ അനീഷ് കുമാർ (46) റിയാദിൽ നിര്യാതനായി. നദീം ഖുറൈസ് റോഡില്‍ കഴിഞ്ഞ ഏഴാം തീയ്യതി പുലർച്ചെ ഉണ്ടായ വാഹന അപകടത്തിലാണ് മരണം സംഭവിച്ചത്. പരേതനായ കെ.കെ നാരായണൻ - കെ.കെ പത്മിനി ദമ്പതികളുടെ മകനാണ്. ഭാര്യ ജിംന. മക്കൾ: അവന്തിക, അൻഷിക (ഇരുവരും കുറ്റ്യാട്ടൂർ ശ്രീ ശങ്കര വിദ്യാനികേതൻ വിദ്യാർത്ഥികൾ). സഹോദരങ്ങൾ: സന്തോഷ് കുമാർ (കീഴല്ലൂർ സർവ്വീസ് സഹകരണ ബേങ്ക്), സനിൽ കുമാർ (പത്മിനി മെഡിക്കൽസ്, ചാലോട്), ഷജിൽ കുമാർ (ചാലോട് മർച്ചന്റ് വെൽഫെയർ സൊസൈറ്റി). ഇന്ന് രാവിലെ കോഴിക്കോട് വിമാനത്താവളത്തിൽ എത്തുന്ന ഭൗതിക ശരീരം 11 മണിയോടെ ചാലോട് കുടുംബ വീടായ പൂങ്കാവനത്തിൽ ഒരു മണിക്കൂർ പൊതുദർശനത്തിന് വെക്കും, തുടർന്ന് കാരാറമ്പിലെ സ്വവസതിയിലേക്ക് കൊണ്ടുവരും, ശേഷം ഒരു മണിക്ക് ചാലോട് കുടുംബ ശ്മശാനത്തിൽ സംസ്കരിക്കും. പരേതനോടുള്ള ആദര സൂചകമായി ഇന്ന് ഉച്ച വരെ ചാലോടിൽ ഹർത്താൽ ആചരിക്കും പ്രധാനപ്പെട്ട വാർത്തകൾ, അറിയിപ്പുകൾ ഉടൻ ഷോർട്ട് ന്യൂസ് കണ്ണൂർ  ഗ്രൂപ്പിലൂടെ  നിങ്ങളുടെ മൊബൈലിൽ ലഭ്യമാവാൻ താഴെ കൊടുത്ത ലിങ്കിലൂടെ ജോയിൻ ചെയ്യുക *SHORT NEWS KANNUR*     ...

  കെ.എസ്.ആര്‍.ടി.സി സ്വിഫ്റ്റ് ബസും ബൈക്കും കൂട്ടിയിടിച്ച് മെഡിക്കല്‍ വിദ്യാര്‍ത്ഥി മരിച്ചു തളിപ്പറമ്പ് : കെ.എസ്.ആര്‍.ടി.സി സ്വിഫ്റ്റ് ബസും ബൈക്കും കൂട്ടിയിടിച്ച് മെഡിക്കല്‍ വിദ്യാര്‍ത്ഥി മരിച്ചു. തളിപ്പറമ്പ് സയ്യിദ് നഗറിലെ ഷെരീഫാസില്‍ മിഫ്‌സലു റഹ്മാന്‍ (22) ആണ് മരിച്ചത്. ദേശീയപാതയില്‍ തളിപ്പറമ്പ് ഏഴാംമൈലില്‍ ഇന്ന് (12/12/22) പുലർച്ചെ നാല് മണിക്കായിരുന്നു അപകടം.  പാലക്കാട് നിന്നും മംഗാലാപുരത്തേക്ക് പോകുന്ന കെ.എല്‍ 15 എ 2332 നമ്പര്‍ സ്വിഫ്റ്റ് ബസും മിഫ്‌സലു റഹ്മാന്‍ സഞ്ചരിച്ച കെ.എല്‍ 59 വി 59 3495 നമ്പര്‍ ബൈക്കും തമ്മില്‍ കൂട്ടിയിടിക്കുകയായിരുന്നു.  പരിയാരം കണ്ണൂര്‍ ഗവ.മെഡിക്കല്‍ കോളേജിലെ നാലാം വര്‍ഷ എം.ബി.ബി.എസ്.വിദ്യാര്‍ത്ഥിയാണ്.  മൃതദേഹം കണ്ണൂര്‍ ഗവ.മെഡിക്കല്‍ കോളേജ് മോര്‍ച്ചറിയില്‍. മികച്ച ഫുട്‌ബോള്‍ കളിക്കാരനായ മിഫ്‌സലു റഹ്മാന്‍ കോഴിക്കോട് ഇന്ന് രാവിലെ നടക്കുന്ന യൂണിവേഴ്‌സിറ്റി ഫുട്‌ബോള്‍ ടീമിന്റെ സെലക്ഷനില്‍ പങ്കെടുക്കാനായി ട്രെയിനില്‍ പോകാന്‍ കണ്ണൂരിലേക്ക് പോകുകയായിരുന്നു. മസ്‌ക്കറ്റില്‍ ജോലി ചെയ്യുന്ന ഫസല്‍ റഹ്മാന്‍- മുംതാസ് ദമ്പതികളുടെ മകനാണ്. റബീഹ്, ഇസാന്‍, ...

  കെട്ടിടത്തിന്റെ ഒമ്പതാം നിലയിൽനിന്ന് വീണ് മലയാളി പെൺകുട്ടി മരിച്ചു ദുബൈയിൽ കെട്ടിടത്തിന്റെ ഒമ്പതാം നിലയിൽനിന്ന് വീണ് മലയാളി പെൺകുട്ടി മരിച്ചു. നാദാപുരം സ്വദേശി കുമ്മങ്കോട് മഠത്തിൽ ജുനൈദിന്റെയും അസ്മയുടെയും മകൾ യാറ മറിയമാണ് (4.5 വയസ്സ്) താമസിക്കുന്ന കെട്ടിടത്തിൽനിന്ന് വീണ് മരിച്ചത്. ദുബൈ ഖിസൈസിലാണ് സംഭവം. തുറന്നിട്ട ജനലിലൂടെയാണ് കുട്ടി പുറത്തേക്ക് വീണത്. മൃതദേഹം ദുബൈയിൽതന്നെ ഖബറടക്കുമെന്ന് സാമൂഹിക പ്രവർത്തകൻ സീർ വാടാനപ്പള്ളി അറിയിച്ചു.

  ഡിസംബര്‍ ആറ് ബാബരി മസ്ജിദ് ധ്വംസനം ഫാഷിസ്റ്റ് വിരുദ്ധ ദിനം;എസ്.ഡി.പി.ഐ കാൽടെക്സിൽ സായാഹ്ന ധർണ സംഘടിപ്പിച്ചു കണ്ണൂർ: ഡിസംബര്‍ ആറ് ബാബരി മസ്ജിദ് ധ്വംസനം ഫാഷിസ്റ്റ് വിരുദ്ധ ദിനമായി ആചരിക്കുന്നതിന്റ ഭാഗമായി  വൈകിട്ട് 4.30ന് കണ്ണൂർ കാൾടെക്സ് ജംഗ്ഷനിൽ എസ്.ഡി.പി.ഐ ജില്ലാ കമ്മിറ്റി സായാഹ്ന ധർണ്ണ സംഘടിപ്പിച്ചു. സംസ്ഥാന ജനറൽ സെക്രട്ടറി  അജ്മൽ ഇസ്മായിൽ ഉദ്ഘാടനം ചെയ്തു. ഹിറ്റ്ലറെയും മുസ്സോളിനിയെയും ആരാധാനാ മൂർത്തികളായി കാണുന്നവരാണ് ഇന്ന് രാജ്യം ഭരിക്കുന്നത്. ഇന്ത്യൻ ഫാഷിസത്തിന്റെ കെടുതികൾ അനുഭവിക്കുന്നവർ മുസ്‌ലിംങ്ങൾ മാത്രമല്ല, രാജ്യത്തെ പിന്നാക്ക വിഭാഗങളും കർഷകരും ഉൾപ്പടയുള്ളവരുമാണ് എന്നും അജ്മൽ ഇസ്മായിൽ അഭിപ്രായപ്പെട്ടു. ഭരണകൂടത്തിനെതിരെ എതിർ ശബ്ദങ്ങൾ ഉയർത്തുന്ന പ്രസ്ഥാനങ്ങളെ അന്വേഷണ ഏജൻസികളെ ഉപയോഗിച്ച് നിരോധിച്ചും വാർത്തകൾ പുറത്തു കൊണ്ടുവരുന്ന മാധ്യമ സ്ഥാപനങ്ങളെ ഭീഷണിപ്പെടുത്തി വരുതിയിലാക്കിയും സംഘ്പരിവാർ ഇവിടെ പ്രവർത്തിക്കുന്നത് എന്ന് അജ്മൽ ഇസ്മായിൽ വ്യക്തമാക്കി. 2024 ലെ ലോക്‌സഭാ തിരഞ്ഞെടുപ്പിൽ നേട്ടമുണ്ടാക്കാൻ കാശിയിലെയും മഥുരയിലെയും പള്ളികൾക്ക് മുകളിൽ അവകാശവാദം ഉന്നയിക്കുകയാണ...